馮仁昭四圍超：李冰冰攬全智賢示愛 - 馮仁昭
蘋果日報 2011/06/12 00:00
第14屆上海國際電影節前晚開幕，中港台三地電影人同演員都瞓身支持，當中最忙碌係李冰冰，因為佢要為《辛亥革命》同《雪花秘扇》兩部戲做宣傳，前晚已兩度亮相紅地毯，噚日更連走四場，認真犀利！
噚日冰冰先出席《辛》片發佈會，仲話拍攝過程好辛苦，但相信結果係偉大嘅。之後冰冰同全智賢為《雪》片宣傳，佢哋喺片中演繹斷背情，冰冰即場向全智賢示愛兼大派飛吻講Iloveyou，全智賢亦用國語回禮話：「我也愛你，冰冰！」冰冰話同全智賢拍感情戲時有觸電感覺，佢哋仲攬住合照。全智賢就話：「冰冰拍戲認真，為人熱情，她對我特別好，幫我處理了很多問題，沒有她我就沒有安全感。」
噚日冰冰先出席《辛》片發佈會，仲話拍攝過程好辛苦，但相信結果係偉大嘅。之後冰冰同全智賢為《雪》片宣傳，佢哋喺片中演繹斷背情，冰冰即場向全智賢示愛兼大派飛吻講Iloveyou，全智賢亦用國語回禮話：「我也愛你，冰冰！」冰冰話同全智賢拍感情戲時有觸電感覺，佢哋仲攬住合照。全智賢就話：「冰冰拍戲認真，為人熱情，她對我特別好，幫我處理了很多問題，沒有她我就沒有安全感。」
周秀娜賣口乖
而譚詠麟、周渝民（仔仔）同徐若瑄等，噚日就係上海影城宣傳《與時尚同居》，仔仔同徐若瑄八年嚟再合作成為話題，徐若瑄爆仔仔拍咀戲時手心冒汗，又笑仔仔出場前緊張到對住牆自言自語。
另外，周秀娜同師妹Jeana前晚冒雨去咗電影節宣傳下月上映嘅《熱浪球愛戰》，娜姐話落雨係好兆頭：「今次宣傳撞正落雨，代表電影水頭充足。」
另外，周秀娜同師妹Jeana前晚冒雨去咗電影節宣傳下月上映嘅《熱浪球愛戰》，娜姐話落雨係好兆頭：「今次宣傳撞正落雨，代表電影水頭充足。」
左起：徐若瑄、周渝民同譚詠麟等為《與時尚同居》宣傳。