新碟簡報：應節《魔怪屋》 栽培小朋友學3D
蘋果日報 2006/10/25 00:00
萬聖節快到，一家大細嫌出街怕人多，又要嘥錢買玩具，不如安坐家中，約埋親朋戚友，邊食大閘蟹、邊睇史匹堡首部執監嘅《魔怪屋》，小朋友一定唔會SayNo！呢套《魔怪屋》比《超人特工》的動畫製作更加出神入化，多角度解構其製作情況，除3D動畫值得一再留意外，其實導演（基爾簡拿）還想借戲帶出一個訊息給大人們：有時要相信小孩所說的話，咪以為小孩常常亂說話。一家人一齊睇吓影碟，除娛樂外，還可藉此與家人增進感情，互相溝通一下。
解構魔怪屋CG
故事講一個只有12歲的主角DJ，老是對大人說對面阿伯的房子會食人，還說怪屋飢不擇食，連阿伯的老婆也吞掉！大人覺得DJ古靈精怪，從來沒有相信DJ所講的話，直至DJ的好友卓達親身領教過那間怪屋的厲害後，兩人便夥拍新相識的珍妮，趁魔怪屋睡着進入房子，誓要消滅這間魔怪屋，恐怖又奇幻的旅程由此而起。DVD特別收錄了電腦動畫鏡頭的演變、魔怪屋動畫揭秘等。小朋友最鍾意畫畫同電腦，大人們順便可栽培小朋友對3D製作的興趣，可能第日佢哋就係大師囉！
記者：盧曹珠
售價：DVD（$135）VCD（$49）
發行：年代電影（27873612）
記者：盧曹珠
售價：DVD（$135）VCD（$49）
發行：年代電影（27873612）
■DJ及肥同學發現魔怪屋食人，便報警求助，可惜警察們不相信。
■三個人隱藏在垃圾桶內，打算用咳藥水來對付魔怪屋。
■DJ以為阿伯死了，魔怪屋一定替阿伯報仇，令他非常擔心。