天文台呢頭預測今年颱風會多過預期，果頭颱風泰利已經吹緊去台灣、日本方向。如果颱風仲陸續有嚟，而家係去台灣日本旺季，因為開始可以睇紅葉，而好多香港人去當地都會選擇自駕遊，但如果打風，就算未必係颶風，揸車都要更加小心。

喺外國人生路不熟，架車又唔係平日揸開，本來已經要好小心，如果颱風期間還到意外，再加上人在異鄉，鷄同鴨講，可以點算好？費清請教AXA安盛首席財產保險營銷總監蔡香君，佢話萬一喺外地遇上意外，可以致電保險公司嘅24小時全球支援熱線，以安排當地翻譯服務或醫療諮詢，咁就可以清楚了解傷者情況同醫生嘅診斷。

即使好彩只係架車有損毀，大家都要留意賠償問題喎。好多人以為租車時同當地租車公司買咗汽車保險就有足夠保障，但其實好多車險都設有墊底費架﹗假設要賠1萬蚊，墊底費係3,000蚊，即係你要先俾3,000蚊，剩低7,000蚊先由當地保險公司負責。

但假如有買旅遊保險，呢個時候就可以發揮作用，除咗保醫療費用、財物損失同航班延誤呢啲基本嘢外，依家好多旅遊保險都有租車墊底費保障，上述例子中3,000蚊車險墊底費，只要投保人能夠提供足夠證明文件，係可以返香港後向保險公司索償，所以要去自駕遊前，最好都買旅遊保險，仲要留意有冇租車墊底費保障呀。

費清＃要生計，也要生活＃毋忘初衷