韓國壓軸巨片、由河正宇、車太鉉、李政宰等主演嘅《與神同行》，上周三喺韓國開畫，下月11日就會殺到嚟香港。

《與神同行》喺韓國票房成績相當理想，今日上映五日，累計觀影人次已破300萬，認真犀利。而喺台灣方面，《與神同行》票房同樣標青，電影於前日在台灣開畫，上映兩日票房已破1,510萬新台幣(約395萬港元)，雖然噚日《與神同行》單日票房就不敵《星球大戰：最後絕地武士》（Star Wars：The Last Jedi），但由於《星戰8》嘅戲院多過《與神同行》，所以《與神同行》實際嘅滿座率就為冠軍。

而台灣方面亦預計《與神同行》將超越《軍艦島》喺台灣嘅首三日票房，成為今年台灣韓片開畫票房冠軍，以及有機會成為台灣電影史上韓片開畫票房嘅第二名。

更多韓流，喺晒《娛果》
http://fb.com/appledailyent