當年今日
關於我們

劉嘉玲親聘壯漢護花

蘋果日報 2002/12/20 00:00


劉嘉玲昨日以形象大使身份,出席在中環舉行的「浪琴表170週年慶祝酒會暨展覽」活動。現場所見,嘉玲身邊有一名彪形大漢為她護駕,她表示是上次往深圳宣傳浪琴表後聘請的。嘉玲說:「都係公眾場合先至會帶出嚟,平日私人場合唔會帶保鑣,好似今日咁多人、咁迫嘅場合有人幫手睇吓好啲。」

籲勿傷害偉仔
嘉玲表示她現在最想看男友梁朝偉主演的電影《無間道》和《英雄》,她得知票房不俗後,替偉仔高興之餘亦替影業高興。嘉玲又透露早前到上海避靜時,有朋友為她在當地開了一個驚喜生日派對,而偉仔則早已送上一份有心思的禮物。
對於偉仔近日因贊成六四屠城言論遭炮轟一事,嘉玲力撐男友說:「佢只係演員,唔係政客,唔好小事化大去傷害一個專業演員。」記者指今年對他們二人來說都是多事之年,嘉玲說:「人唔可以永遠順境,經一事長一智。」
此外,梁朝偉和張曼玉前晚出席完《英雄》在灣仔會展舉行的首映後,雙雙乘坐一輛大會安排的Benz房車前往港島香格里拉酒店。約一個多小時後,偉仔先行離開返回寓所,而張曼玉則不見了蹤影。
採訪、攝影:何永寧、仇志德、娛樂突發組