姚煒今日到香港大學為電影《金大班的最後一夜》 出席座談會，電影原著小說作家白先勇亦受邀出席。姚煒表示電影在1984年推出至今已經35年，慶幸依然得觀眾喜愛，她說：「之前喺新加坡做過同樣嘅放映會，觀眾睇到唔捨得走，呢套電影帶畀我當年事業高峰。」問到可會再考慮拍戲？她笑說：「我都已經做阿婆阿嫲啦，有咩戲癮呀，成33年冇再拍過戲。」

提到囡囡趙式芝跟伴侶楊如芯離婚，姚煒說：「好好笑，從來都唔承認嘅婚姻何來離婚？一笑置之。」至於囡囡現在心情如何？她說：「我都有同佢講，最緊要開心，盡量少傷害別人，感情既然到此為止，做父母好難理會佢哋感情事，佢哋咁大個有自己喜愛嘅事。」

問到是否一開始就不看好這段婚姻？姚煒說：「好難話睇好唔睇好，而家個趨勢大家好容易離離合合，做女人以前要三從四德，但而家都唔會講呢啲，人與人之間距離好易拉得好近，大家未了解就話要長相廝守，聖經以前夠話要結婚後先可以發生關係，而家聽起上嚟好似係一個笑話。」

姚煒又表示一直有同囡囡溝通：「希望佢明白我所講，盡量希望佢做到，佢都係基督徒，知道人生應該點做，最緊要佢開心。」更直言以前用錯方法跟女兒溝通：「我以前淨係識得鬧，結果鬧走咗佢，而家就會同佢傾偈，始於溝通最緊要。」對於有指因為式芝有新戀情導致離婚，姚煒話：「我唔覺得係。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI