當年今日
關於我們

【仍未解封】李佳芯默認 《白色強人2》無緣演出:我都接受Kennis係死咗

蘋果日報 2020/03/19 12:46

李佳芯被飛出局

視后李佳芯(Ali)去年因為呼籲市民「登記做選民」,即被大陸網民視為「港獨」,其後Ali已經為事件多次否認,不過仍被狙擊,甚至更疑遭無綫雪藏,繼《BB來了》續集和《踩過界II》被飛起後,日前又有報道指《白色強人》預計在今年10月開拍第二輯,她將會再次被飛走。
昨晚Ali在將軍澳出席活動,對於再被飛出局,她說:「我都係睇新聞先知道呢個消息,不過冇去求證,始終一日未開拍都仲有好多變數,而家唔諗其他嘢,只希望做好眼前嘅事,其他嘢交畀公司決定喇。」不過假如最後未被安排演出,又會否覺得失望?Ali只說:「其實喺上一集Kennis係中咗槍嘅,嗰陣我都問過編審,喺佢心目中Kennis究竟係有冇死到,咁佢都有講話對結局嚟講,其實死咗係會好啲,聽完佢咁講,我都接受Kennis係死咗,總之大前題係以劇情為主。」至於幾時再開劇,Ali表示暫時未收到消息,到底演員是永遠都是被動,目前先做好自己工作,她還計劃今年暑假會出一本散文集,主要講生活上軼事。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
李佳芯表示等公司安排。
empty
李佳芯無緣演出《白色強人2》。(資料圖片)