【偶像包袱】社交網留言爆粗被狠批 曾樂彤跪低認錯:希望大家原諒我
游學修曾樂彤英皇道歉
英皇新人曾樂彤日前在「KKBOX香港風雲榜」演繹新歌被質疑咪嘴,她在IG貼綵排短片並加hashtag:「#micnlm」,被網民狠批疑爆粗「咪你XX」,結果游學修在社交網爆粗護女友:「嬲咪XX佢地(哋)囉,理直氣壯怕咩」,事件擾攘一日,昨日游學修忽然轉軚道歉:「以粗言穢語、諧音、代替詞去侮辱別人,都是不適當的行為。」(新聞連結: https://bit.ly/2Yfvndo)
身為事件主角的曾樂彤,昨日亦在IG撰文認錯:「我為自己喺網絡上失言而道歉,就算情緒有幾激動,都唔應該係(喺)公眾平台,隨意發表唔恰當嘅詞語,希望大家原諒我當刻有情緒,係(喺)自己嘅平台發洩咗自己嘅感受,經過今次事件,我好好上咗一課,好後悔自己因為一時嘅衝動,去做咗一件咁錯嘅事,吸取教訓我會學識好好咁去控制我自己嘅情緒,我真心同大家講聲對唔住,希望大家接受我嘅道歉。」
英皇空群而出為曾樂彤打氣,經理人霍汶希留言:「有錯要認,要打就要企定,好好上了人生的一課,終身受用呢!」容祖兒和蔡卓妍就用「加油」手勢鼓勵,連紅到大陸的陳偉霆都勸慰師妹:「雨過天青囉,不要介意啦!」
而網民反應就兩極:「喺香港做藝人真係好難」、「其實點解有啲明星藝人講粗口就係真性情?佢就唔講得?」、「偶像包袱,做自己咪好囉。」、「已經有人ig被封鎖,自己話人老母就得,俾人批評就block人」、「公眾人物需要做一個榜樣!你這次是錯誤示範。」
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
霍汶希、祖兒、阿Sa、陳偉霆都留言鼓勵(網上截圖)
曾樂彤在IG限時動態貼綵排短片並加hashtag:「#micnlm」(網上短片截圖)