幾經波折，黎明（Leon）喺中環海濱活動空間舉行嘅8場「黎明Leon30thAnniversaryRandomLoveSongs4Dinlive2016」演唱會終於完美落幕，雖然好多歌迷都唔捨得，雖然Leon話越係唔捨得就越要放手，之但係Leon演唱會由4月28號因為中國製帳篷物料不符英國抗火標準被取消，呢個演唱會其實已經變為香港人嘅事，Leon更被封為男神，讚佢係肯承擔嘅真男人，所以8場演唱會唱完，忽然間夜晩唔駛再去核心內圍睇騷，又冇得再喺核心外圍聽免費演唱會，好多人忽然間覺得好空虛。

唔知係咪Leon都知道好多人掛住佢，隔咗2日，頭先佢終於更新FACEBOOK喇，不過佢本人同明福俠都冇現身喎，得把聲，再派「TOM＆BEN」做代表，出嚟報告一下「新聞」，TOM＆BEN仲話明福俠潛咗水，仲話因為眀福俠衰多口話咩有冷氣冇冷氣有冷氣添！雖然Leon只係聲演冇現身，但歌迷聽到佢把CUTE版聲，我諗都已經好開心架喇！