富豪看風駛時不時發生，被傳獲梁振英委任做行會召集人嘅李國章，噚日獲吳光正旗下九倉委任為獨立非執行董事，7月1日起生效，每年袍金7萬元。李國章2001至2002年做過九倉非執董，做局長後辭職，離開官場後，九倉冇搵佢再續前緣，家佢重回權力核心發光發熱，係梁振英重臣，吳光正果然冇走寶。
李國章有新動向，梁振英卻辭職，唔係辭特首，大家咪妄想，全國政協常委會噚日決定接受梁振英辭去政協常委職務，因為梁振英話要專注做好特首工作。梁振英辭職後，理論上政協常委有個空缺待替補，有傳唐英年已同北京「和解」，或有機會晉身政協常委。