超人之母合約糾紛甩身

蘋果日報 2015/05/31 00:00

羅子喬（Bella）曾一度被前經理人施念慈封殺，對方指Bella的合約仍然生效，更揚言出律師信禁止Bella接洽其他工作。當時Bella被日本圓谷製作公司睇中，屬意Bella擔任超人之母的人間體，機會難逢，加上超人系列邁向50周年，將有一連串慶祝活動包括舞台劇、電視劇和電影等演出，Bella一直很擔心合約糾紛會影響工作。
empty
羅子喬最近解決了施念慈的合約糾紛，終於可以繼續做超人之母，感到欣喜。
empty
模特兒馮秀華（Kathy），將扮演怪獸的人間體。
empty
施念慈　資料圖片
奔波數月終變身
Bella幾個月來為此事憂心忡忡，主動向日本公司解釋，得到對方體諒和信任，跟施念慈的合約糾紛最近亦順利解決。前日Bella在機場博覽館為超人舞台劇綵排說：「雙方書面達成協議，接落去我嘅工作可以如期同順利進行。當時其實係好驚，擔心好驚影響日本人同埋香港主辦單位嘅誠信，令佢哋受損失，經過今次知道日本方面好支持我，信任我，之後都會代表超人之母繼續工作。」
Bella透露超人舞台劇巡迴7月開始，第一站是香港，之後到澳門、台灣、上海、北京、廣州，她說：「呢個係新嘅一篇，每一日都訓練，好充實，有好多唔同嘅挑戰。嚟緊超人有舞台劇，2016有電影，我都會有份參與演出。」
採訪：非非
攝影：仇志德
empty
超人巡迴舞台劇將在7月舉行，第一站是香港。