李彩華自封逄人咀 啜硬張衛健
李彩華(Rain)近日正忙於拍攝內地劇《阿有正傳》,她與扮演男朋友的張衞健有一些親熱鏡頭,二人亦會有親吻戲份,但阿Rain表示不會介意,因為過往參演過多套劇集或電影,幾乎全部都有親嘴鏡頭,她已習以為常。
李彩華(阿Rain)日前返回南海,繼續拍攝內地劇《阿有正傳》,她與張衞健扮演一對情侶,而劉曉慶則是張衞健的母親。
問到阿Rain與劉曉慶合作的感覺?她說:「我遲啲先同佢有對手戲,始終佢係前輩,我都有一定壓力,但我都想同多啲呢啲前輩合作,咁自己嘅演技都會有進步。」
阿Rain早前跟張衞健合作過電視劇《功夫足球》,二人再度合作,駕輕就熟,但這次兩人扮情侶,問阿Rain可有親熱鏡頭?阿Rain說:「我哋會有咀戲,不過都係點到即止,我同張衞健都熟,所以拍起來都唔係好尷尬。」阿Rain頓一頓後又說:「其實都唔明點解,我拍過咁多部戲同劇集,差唔多每一套都要『咀咀』,不過我都咀到慣晒,都係拍戲啫,又唔係真。」
李彩華早前跟張衞健在《功夫足球》合作過,在新劇中她會跟張衞健合演情侶。
李彩華跟劉曉慶在《阿有正傳》中合作有壓力,因她始終視對方為前輩。
李彩華(左三)、譚耀文(左二)、張衞健(右三)及梁俊一(右)等攜手演出內地劇《阿有正傳》。 資料圖片