政府研究修例打擊黃牛黨，但外界普遍認為演唱會採用「實名制」購票才能更有效打擊黃牛黨，因實名制門票印有購票者名字，主辦者保安員在觀眾入場前可藉掃描實名門票上二維碼再核對觀眾身分證，拒絕非門票持有人入場，令黃牛黨找人搶購及囤積門票後高價轉售圖利的難度大增。《蘋果》曾訪問多名年青人包括大學生，他們都訴苦指因炒風熱烈致一票難求，試過被迫付高價買演唱會黃牛票，亦擔心會被假票或訛稱有票賣的騙徒騙財。故他們大都希望康文署的演唱會或棟篤笑表演場地如紅館能盡快引入實名制門票，以打擊黃牛黨及假票黨。

記者徐雲庭 金敏琍

姚小姐坦言她試過買黃牛幾次，分別是今年Bruno Mars及去年周杰倫演唱會。「冇辦法，真係好想睇，所以在網上畀貴幾百蚊去買票…我都會擔心在網上會買到假門票，所以唔會一早畀晒錢先，一定要對方確保有門票先約出來交收！」姚小姐支持實名制門票並認為可有效打擊黃牛黨，但建議實行時可以再完善機制，例如若樂迷臨時有事去不演唱會，應容許以授權書轉讓門票畀家人或朋友去睇騷。

女學生李同學亦坦言，試過在Big Bang來港開演唱會時買黃牛票，「因為無晒門票賣，但自己真係好想睇，於是大約幾千蚊買張門票，好彩入到場睇，有擔心可能係假！」事實上，她的朋友試過睇Big Bang買到假票，幾千蚊在網上買回來，「入場時發現係假票無得睇，結果要在現場第二次光顧黃牛黨，「買到張門票入去睇，但個位置就唔好。」她指若買到假門票會考慮報警。

Erica則不曾買過黃牛票，因她認為循合法渠道買不到門票「就寧願唔睇囉，若果你係支持偶像，更加唔應該去買黃牛黨去助長炒風。」林小姐亦指「勁憎黃牛黨，一定唔會買」，林又指支持實名制。

你敢爆，我敢獎！ 即Call《蘋果》24小時爆相爆片熱線 ：63836568