【終於完成】ViuTV《二月廿九》結局成焦點 網民預測兩個只能活一個
蘋果日報 2020/03/10 19:00
徐天佑二月廿九羅嘉駿
（網上圖片）
ViuTV愛情穿越劇《二月廿九》昨晚播出第六集，一如過往，網民繼續熱捧劇情，有人為吳海昕（Yeesa）拒絕Ryan而可惜，繼而紛紛猜測故事的發展，《二月》剪接師Casper Snooker昨日在FB留言，表示連日來埋首為劇集的結局剪片中，他說：「一日未出街都冇人知個結局係點，你哋點爭論揀家聰定揀Ryan都冇用，個決定權喺我手上⋯⋯枝剪接筆度 hehe.」身兼監製、導演及演員的羅嘉駿（Steve）今日在社交平台留言：「無限個通宵之後又一個朝早8點，終於完成第十集！(個人認為好好睇呀下) 我諗ViuTV同事好想殺咗我，因為我哋集集都遲交好多，喺度講聲唔好意思！#二月廿九」
雖然Steve未有再透露故事的發展，不過在今晚播出的第七集，徐天佑（Ryan）在壽司店的安排下，將會到日本受訓，本來Yeesa因為Fiona的關係而決定不理穿越的事，不過其後在余家聰的鼓勵下，再一次進行穿越，結果又掀起一輪估結局。Yeesa對上一次穿越未來，發現好友Fiona在陀B期間發現患上癌症，但最後為了保BB而死，當Yeesa重回現實世界後，用盡方法勸喻Fiona，最後Fiona決定打掉胎兒，湊巧劇情先後提及余家聰和Ryan去過日本，所以有網民預測Yeesa最終成功避過自己因車禍身亡，不過余家聰和Ryan兩個只能活一個。
導演Steve表示經過一輪努力，終於剪好第十集。
Yeesa成功游說Fiona打胎兒。
雖然Yeesa鍾意Ryan，不過為免因自己的死而拖累對方，所以婉拒了對方的追求。