「用人民幣買嘢先有優惠，對港人嚟講會唔係咁開心！」南區區議員柴文瀚，昨日下午5時許，往淺水灣泳灘附近視察工程進度，其間途經ClubOne的小食亭，赫見舖面貼有3張印有簡體字的A4紙張，上面寫著「買二送一，使用人民幣購買任何食品及飲品」，惟卻注明只找續港幣，柴文瀚認為，有關商戶的做法「並不恰當」，稍後將向營辦商及康文署要求平等收費。

柴文瀚續稱，上址因在臨近泳灘及海洋公園，常有一車車的旅遊巴到場，今次的做法，擺明是吸納到場的內地遊客，「佢嘅市場策略太過進取，唔應該只限人民幣」，即使用港幣亦應可享買二送一優惠。

執業大律師陸偉雄指出，由於香港是自由貿易港，對用何貨幣沒有監管，商戶可自行選擇用何貨幣作計算或找續，「呢啲係買賣雙方的共識，係雙方同意的」。陸偉雄認為，有關小食亭的做法「畀人感覺好似唔多尊重港人，好似唔想做港人生意咁，會有負面感覺，但就唔係犯法。」

《蘋果》正就事件向ClubOne查詢，但因假期關係未獲回覆。

另外，若以每支橙汁15元計，以港元付款買3支需45元，但以人民幣買2支送1支，只需30元人民幣，即35.77元港幣，所以用人民幣在該小食亭購物的確「較抵」。但是，如果客人給予大額的人民幣，如給予100元人民幣，會找回70元港幣，損失了匯率差額的13.48元港幣，變相是以49.25元買3支橙汁，「咁就唔係好抵啦」。

想睇最新消息？　即時follow【現場－蘋果突發】 fb！ http://fb.com/applecitycrime