苟芸慧日前穿上警察制服，化身做「苟點鐘」Madam Kuo，為警方拍攝宣傳短片，提醒市民要提防網上情騙，唔好輕易相信陌生人喺網上嘅甜言蜜語，而被騙財。

苟姑娘穿上整齊警察制服拍攝，大家都稱讚佢由女神變警花，氹得佢好開心。苟姑娘透露以前都演過警察，佢打趣話：「原來多年後嘅今日我已經升咗職，成為督察，已經唔係當年嘅職級啦。」

問到想唔想演Madam角色，苟姑娘就覺得女性都可以有型，有正義感，係一個有挑戰又有得發揮嘅角色。今次為警隊拍攝防止罪惡嘅短片，會有廣東話、國語，同埋英文。希望訊息呼籲可以傳達到俾大眾市民。大家一起”Be smart! You too!”

精選娛聞，喺晒《娛果》 http://fb.com/appledailyent