當年今日

呢度係香港 - 陳也

蘋果日報 2015/09/30 00:00


陳左耳的「去中國化」真人騷在馬鞍山小巴站上演。排隊等車的大叔因插隊問題跟一位南亞裔老兄口角後大罵對方「香港地唔係你㗎,係中國人㗎!」
南亞老兄聽畢大怒,憤而推大叔出馬路,大罵「你返中國啦,呢度係香港!」過程被市民拍下,「中國」大叔被推後還以老拳但孤掌難鳴。南亞老兄以流利廣東話向乘客解話:「佢打尖!」
香港文化多層次的草根代言,南亞老兄是表表者,這麼一推,擊潰大叔的中國化謬論。我翻看新聞多次,相當遺憾,大叔不是陳左耳。
香港唔係你的,係中國人的。除了張小明的超然特首,這句比仆街更難聽。
這就解釋了,中國大媽「笑大人個口」說以後唔來香港購物香港就玩完的邏輯。香港不是香港人的,是中國人的。
所以香港店鋪用簡體,中小學強制普通話授課,大學生硬性北上否則唔好讀,警察要跟公安城管平起平坐,廉記要聽命西環,法院要被超然,愛國要拍拖結婚,港足大戰要困喺小西灣……。
然而,去年九月廿八日打後的79日,香港的確是我們香港人的!唔信,大叔,俾把遮你,返中國試吓。