每匹馬都要佩戴口銜鐵出賽，呢種馬匹基本裝備就如汽車軚盤，引領馬匹向左向右郁動。口銜鐵分若干種類，以迎合唔同馬匹之唔同特性及需要。
每次跑馬，馬會都會對個別馬匹所佩戴之特別口銜鐵作出獨立報告，畀馬迷刨馬時參考。於周三谷草夜賽中，第二場「隨時候命」、第六場「金領宙」、第七場「劍凌雲」同第八場「人強馬勁」都戴特別口銜鐵跑，後駒首度用防斜跑嗰款，「金領宙」除環形而首次戴滾杆形，餘下兩駒則同樣初戴環形口銜鐵作服役首戰。