宋仲基噚日下午出席韓片《軍艦島》嘅媒體試映會時，大方提到未婚妻宋慧喬，又表示喬妹係「我愛嘅人」。試映會後宋仲基接受《KBS View》專訪，又大方提到婚事。

節目中當記者問：「有個問題一定要問......」宋仲基即大方回應：「結婚嗎？有好好地在準備結婚，我都好想老實地跟大家講跟女朋友結婚嘅事，但有啲事情只屬於我們二人，希望大家能諒解。」宋仲基表示因為係發表婚訊後首次跟記者見面，明白大家都好好奇，但都希望大家能支持佢嘅電影：「佢（喬妹）都好支持，大家都好支持，想跟大家表達感謝。」

而《軍艦島》將於今晚於首爾舉行VIP試映會，不過喬妹因正於海外工作而未能現身撐宋仲基。