【追債反被抹黑坐枱】舊愛不甘被屈 爆阮民安夜場搵錢：唔還債仲要掉轉講
蘋果日報 2019/12/25 07:00
阮民安Tommy娛樂不割席娛樂
上月阮民安（Tommy）在Facebook發表「人誰無過」論：「從來不是聖人，年少無知、瘋狂犯錯、對於錢銀、人事零承擔、無責任感……」，為證明自己已「改變」，肯面對，他公開一個只可以WhatsApp的電話號碼，聲稱給要與他解決私怨、工資等問題的人聯絡，擺出有膊頭肯承擔的態度。
據知，不少昔日「債主」都透過他提供的WhatsApp，找他追討，其中一個是前度「阿K」。
日前本刊向Tommy求證，他得悉前度指他欠債未還，不但沒承擔過錯，還先下手為強在Facebook發功，先怪舊愛要追債，質疑為何多年來不主動找他，跟手抹黑前度「坐枱」，之後再發文：「三萬蚊，過夜！喂條女雞嚟架！阿”舊愛”，你收皮啦！」情債和錢債未還，先來一招惡人先告狀，劣性盡現。
據知，不少昔日「債主」都透過他提供的WhatsApp，找他追討，其中一個是前度「阿K」。
日前本刊向Tommy求證，他得悉前度指他欠債未還，不但沒承擔過錯，還先下手為強在Facebook發功，先怪舊愛要追債，質疑為何多年來不主動找他，跟手抹黑前度「坐枱」，之後再發文：「三萬蚊，過夜！喂條女雞嚟架！阿”舊愛”，你收皮啦！」情債和錢債未還，先來一招惡人先告狀，劣性盡現。
要舊愛去夜場代收數
對於Tommy的抹黑，舊愛阿K直斥：「當佢作出呢啲回應時，呢個人係幾咁令我心寒，咁多年我從來都搵你唔到，你冇主動還番錢畀我，我幫你借咗錢，你唔主動搵我，仲話我唔主動去搵你去解決問題，咁已經係一個問題啦！同埋所有錢係我真金白銀打工，與及問朋友借返嚟幫你。佢（阮民安）第一次問我借錢時候，就係我攞七千蚊去贖佢，呢啲全部都係我幫佢，但佢一句唔該，多謝都冇，咁多年五十蚊都冇還過畀我，仲要掉番轉抹黑我，我真係覺得好恐佈，點樣唔心寒。」
阿K否認曾坐枱：「你問我，我有冇啲乜嘢唔話得畀人知，就係要去承認，同佢有過呢段關係，因為我覺得好可恥同核突。點解我幫你，我仲要畀你話，點解你欠我咁多錢，我仲要被你去教訓，你係咪欠我一句道歉，你咪係應該負番你嘅責任，要還番啲錢畀我。」Tommy為求自保，不惜對前度攻擊抹黑，黑白是良知，其行為卻剛剛相反。
阿K向本刊出示，Tommy曾在灣仔一間私人會所形式的夜場，任職董事的咭片。他後期更要女友下班後，深宵到夜場幫他收數。阿K不屑Tommy將事情顛倒，把她抹黑變「坐枱」。
「我同佢喺埋一齊有段時間，我發覺佢夜晚經常唔見人，佢就話要工作。有段時間會好定時叫我去灣仔一幢大廈嘅私人會所，叫我坐喺度等，話有啲錢要喺嗰度收番，我都上過去三、四次，類似私人會所同卡拉OK。佢話有啲老闆嘅錢要喺嗰度收番，然後就叫我幫佢收，我收咗四次之後提出拒絕，因為當時我仲未辭職，朝早要返工，又要等到三、四點先至收到啲錢。」
至於當時Tommy要她去收數的夜場，是否很多艷女出入？阿K說:「我諗有啲係模特兒，因為我成日聽到佢講電話，言語間會約對方喺上面等，最終我無去深究，但有幫佢攞啲錢番嚟。（每次大約幾多錢？）大約萬幾蚊。」
阿K否認曾坐枱：「你問我，我有冇啲乜嘢唔話得畀人知，就係要去承認，同佢有過呢段關係，因為我覺得好可恥同核突。點解我幫你，我仲要畀你話，點解你欠我咁多錢，我仲要被你去教訓，你係咪欠我一句道歉，你咪係應該負番你嘅責任，要還番啲錢畀我。」Tommy為求自保，不惜對前度攻擊抹黑，黑白是良知，其行為卻剛剛相反。
阿K向本刊出示，Tommy曾在灣仔一間私人會所形式的夜場，任職董事的咭片。他後期更要女友下班後，深宵到夜場幫他收數。阿K不屑Tommy將事情顛倒，把她抹黑變「坐枱」。
「我同佢喺埋一齊有段時間，我發覺佢夜晚經常唔見人，佢就話要工作。有段時間會好定時叫我去灣仔一幢大廈嘅私人會所，叫我坐喺度等，話有啲錢要喺嗰度收番，我都上過去三、四次，類似私人會所同卡拉OK。佢話有啲老闆嘅錢要喺嗰度收番，然後就叫我幫佢收，我收咗四次之後提出拒絕，因為當時我仲未辭職，朝早要返工，又要等到三、四點先至收到啲錢。」
至於當時Tommy要她去收數的夜場，是否很多艷女出入？阿K說:「我諗有啲係模特兒，因為我成日聽到佢講電話，言語間會約對方喺上面等，最終我無去深究，但有幫佢攞啲錢番嚟。（每次大約幾多錢？）大約萬幾蚊。」