內地拍戲對足五個月
柏芝帶定15支香水會霆鋒

蘋果日報 2004/02/22 00:00


張栢芝今日將赴內地演出《小白龍》和《無極》兩部戲,她此行會在內地逗留五、六個月,與霆鋒合作拍戲,故在出發前,栢芝花了幾個小時收拾行裝,除四季衣物外,亦帶了大量香水、面膜及藥物隨身備用。
張栢芝與吳彥祖前晚在尖沙嘴拍攝電影《旺角黑夜》的煞科戲,今日栢芝會赴上海演出與吳鎮宇合演的新片《小白龍》,拍攝十幾日後,便會轉飛北京參加《無極》的演出,估計今次在內地最少要待五、六個月才可以回港。由於拍攝的地方可能很荒蕪,故栢芝已帶備了四季衣服、十五支香水、一箱面膜和大批藥物隨身。

日敷五個面膜
在護膚方面,栢芝是十分緊張的,她說:「喺內地拍戲,我暫時未知氣候係點,所以我四季嘅衫都帶晒去。除咗十五支香水,敏感藥同面膜當然唔少得,我諗住每日敷五個面膜,咁啲皮膚就唔會太傷,等八、九月拍完部戲後,我想同公司請一個月假去亞洲旅行,盡情休息吓。」
雖然下個月中才演出《無》片,但外間對她與謝霆鋒一起演出此部戲十分關注,栢芝說:「導演因為知道我同霆鋒以前有好多新聞,所以佢決定搵霆鋒拍呢部戲之前都問過我經理人公司有冇意見,咁我哋話冇問題,導演就決定搵佢演出。喺部戲入面,除咗霆鋒想追我外,真田廣之同張東健對我都有意。但戲中我會唔會同啲男主角有親熱戲,我就未知道。」
栢芝認為演戲時的眼神很重要,所以此行為了可以有充足睡眠,她連安眠藥都帶備了。栢芝說:「今次我唔敢帶VCD同遊戲機去打,免得唔夠精神開工,演戲時眼神唔夠就唔好,我真係唔想拍《無極》時會有任何差錯。」

不怪胞弟舊愛
此外,有報道指栢芝懷疑胞弟張柏文的女友、Cookies前成員Angela做「二五仔」,專門向傳媒報料,洩露其行蹤,故栢芝十分不滿,要求柏文與Angela分手。栢芝昨日在電話中否認說:「我從來唔理細佬嘅感情事,不過我唔信Angela係報料人,咁講對佢唔係咁公平。」
採訪:陳梅香 攝影:仇志德
empty
栢芝過往出埠工作或旅遊,都有不少行李。
資料圖片
empty
你愛再濃烈也是條拋物線你再接近只不過辜負我的感覺我早已習慣你的名牌香水味
節錄《香水》謝霆鋒主唱
empty
吳彥祖前晚拍攝《旺角黑夜》的煞科戲。