蘋果fb live： https://bit.ly/2XbXOeE
果燃台live： https://bit.ly/2WGrxJb

正當示威者在前線設路障、與警方對峙之際，有不少市民亦在後方默默付出自己的力量，希望做得幾多得幾多。任職食物批發、平時上夜班的Cheri向《蘋果》表示，她一收工便與一眾朋友來到金鐘，當時見到龍和道有4至5個物資站，然而夏慤道卻一個也沒有，便從龍和道的物資站取去一批物資，走來此處建立一個物資站，「我哋係自發，完全冇組織，我哋寫咗物資站（牌），就有好多市民攞（物資）過嚟」。

她說收集物資後便馬上整理，有多餘的便拿去其他物資站，到目前為止夏慤道已建立了6個物資站，「感動，好感動，正因為咁，我哋更加要分配好物資」。

「其實我哋冇諗咁多，做得幾多就幾多，而且我心態唔係衝嘅，係back up，希望幫到手出一分力」Cheri指目前物資暫時都足夠，惟獨缺乏急救物品，例如一些紗布、棉花以及消毒紙巾等。問到有沒有人令她印象最深刻，她哭笑不得地說：「有人攞咗好多姨媽巾（衞生巾）嚟，我唔知邊個喺網上呼籲，但我覺得真係唔需要，大家唔好再攞過嚟，因為我哋都收咗四、五袋」。

提及她對今次行動的訴求，Cheri指自己與大家想法一致，「唔使講啦，呢個政府無視所有人民，佢做嘅所有事，完全冇放我哋入眼內。一百萬人走上街，政權都係咁。」她表示以往亦曾參與佔中行動，當時她在旺角協助收集物資，「一個政權完全漠視所有市民訴求，呢個佔領行為一定會（再）發生，幾時而已」。她說未來沒考慮過留到何時，惟有做得多少便多少。

龍和道實況
https://bit.ly/2IG4Uie

政總+添華道實況
https://bit.ly/2Zgsitd

金鐘主要幹道情況
http://bit.ly/2X3RuWe

公共服務消息
https://bit.ly/2WEUwkg

各界回應
https://bit.ly/2Ke86EG

【新聞有價】6月17日起 繼續撐蘋果
http://bit.ly/2IJ24ZR

你敢爆，我敢獎！ 立即WhatsApp《蘋果》24小時爆相爆片熱線 或致電：63836568