由《狂野時速》系列大隻男星狄維莊遜(DwayneJohnson)主演嘅新片《肌智同學會》（CentralIntelligence），由《名瞞戇族》導演羅遜馬素費巴(RawsonMarshallThurber)執導，與黑人男星奇雲哈特(KevinHart)一唱一和，又係要觀眾笑到有腹肌為止。

狄維莊遜飾演曾被同學欺凌嘅騎呢宅男洛比韋迪，20年後搖身一變威猛大隻中情局特務。洛比得知秘密組織偷取了美國間諜衛星計劃的所有密鑰，於是他找來「以前光芒四射，今日霉過碌蔗」的舊同學兼唯一朋友加雲(奇雲哈特飾)，想用他機智的頭腦偵查這宗世紀罪案。大隻佬打到甩肺，矮仔負責諗計，兩個老死一文一武救世界！《肌智同學會》仲有唔少紅星客串，包括《凸務MADAM》（SPY）女主角瑪莉莎麥卡菲（MelissaMcCarthy），同震波嘅狄維莊遜大放笑彈。