當年今日
關於我們

隔牆有耳:曾鈺成出蕉搞gag - 李八方

蘋果日報 2008/11/08 00:00


鼠王芬噚日同疑似中共黨員曾鈺成出席大專生普通話辯論賽做評判,曾鈺成頒獎時,以流利普通話讚學生詞鋒銳利,「肯定比那個香蕉犀利!」曾鈺成話立法會容許普通話發言,但好少議員咁做,希望將來更多議員講普通話。
主席係疑似中共黨員,立法會已經染紅一大片,如果人人講普通話,好似人大開會咁,八方一時間難以想像係乜嘢場面。好彩聽完另一評判鼠王芬講嘢,先至安樂啲,因為鼠王芬普通話水平,同陳克勤講英文有得揮。
好多人關心外傭稅問題,曾鈺成話未睇到葉劉提出永久撤銷徵收個修正案,亦未睇到法律意見,暫時冇乜好講。