曾是數十間貿易公司的老闆，佳叔在商場上叱咤多年，偏偏卻失去親情，如今更潦倒得獨居劏房。他在35年前跟前妻離婚後，前妻帶同子女移民美國，已再無聯絡。他有三弟三妹，卻一直甚少來往，「有病之後，覺得走到人生盡頭，都有同一、兩個妹聯絡番，但唔想見番仔女，唔想俾佢哋知道我咁（患病）」。
證實患癌後，佳叔晴天霹靂，惟有接受化療，卻不見成效，癌細胞更進一步侵襲他的身體。「西醫已經半放棄狀態，我覺得好絕望，惟有周圍搵方法去醫」，妹妹為他祈禱，也有朋友送上藏傳佛教的轉經筒以作祝福。
縱然前景不樂觀，佳叔仍對未來存有希望，他坦言：「護士話我𠵱家係以月計生命，但我知道有好多活生生嘅例子患癌後都可以好番，一定唔會放棄，唔捨得咁快死。」佳叔現正接受中醫治療，感覺身體狀況及胃口均有改善，只盼能繼續就醫，「𠵱家有第二個選擇（睇中醫），好想試吓，唔想臨死前後悔」。
佳叔現時只靠5,000多元綜援及傷殘津貼維生，扣除房租後僅夠日常生活開支，瀕臨山窮水盡，蘋果日報慈善基金已撥款一萬元給他應急，他正急需藥費續命，亟待善長伸出援手！
「佳叔」捐款編號：C3588
網上捐款： http://charity.appledaily.com.hk/donate