2020大事回顧︱疫苗打定唔打？幾時打？佢哋都話：睇定啲先
蘋果日報 2020/12/29 00:34
鍾劍華疫苗武漢肺炎
《蘋果》訪問研究學者、醫生、醫務化驗師、餐廳負責人，他們一致抱觀望態度，不會貿然接種。設計圖片
特區政府抗疫政策紕漏百出，採購疫苗不論是進度、安排上也不及其他國家或地區，更沒有全民接種時間表，公眾也沒有選擇疫苗的自由，與一海之隔的澳門特區相比，可謂年頭輸到年尾。學者則擔心，港府來年為盡快恢復經濟，或強制要求高危群組打針，包括最先抵港、未有第三期臨床數據的科興生物疫苗，屆時會引發極大信心危機。
鍾劍華相信，即使明年有疫苗到港，政府難以借此挽救長插谷底的民望。本報記者攝
雖然政府已成功採購內地科興生物、復星和BioNTech共兩款武肺疫苗，但香港民意研究所副行政總裁鍾劍華指，科興疫苗最先抵港，而港府已表明，會安排醫護人員、長者、長期病患者、安老或殘疾院舍員工等約300萬人優先接種疫苗，加上行政長官林鄭月娥表明疫苗「冇得揀」，預料上述高危群組會被安排接種內地疫苗。
他認為，科興的疫苗未有充分臨床數據，且其內地背景備受港人憂慮，相信不少人情願不打疫苗，不排除政府為求提升接種率，頒令強制接種，顛覆一直以來病人有權選擇治療方案的醫學原則，「如果控制唔到疫情，政府嘅措施可能更加極端、更加獨裁」。
鍾劍華認為，科興的疫苗仍然未有足夠的臨床數據，再加上其內地背景，相信會令不少港人卻步。本報記者攝
鍾劍華稱，疫苗成效需時觀察，即使現在有機會接種，「如果得科興，有得揀我唔會打。可以揀第二啲嘅，就可以諗吓」。不只研究學者，《蘋果》訪問醫生、醫務化驗師、餐廳負責人，他們一致抱觀望態度，不會貿然接種。
除了科興、復星和BioNTech，港府也會購買英國阿斯利康的疫苗，但最快明年下半年才到港。至於政府專家顧問袁國勇有份研發的噴鼻式武肺疫苗，同樣最快明年下半年面世，暫時未知港府何時引入。
各界一人一句打唔打疫苗
家庭醫生鄭志文稱，自己向來都認為打疫苗是好事，但今次不會推薦市民即時打疫苗。資料圖片
【前線私家醫生】家庭醫生鄭志文：「向來認為打疫苗係好事，但對於即將來港嘅武肺疫苗就會睇睇情況先，好似疫苗來源係咪可靠、外國類似疫苗的使用情況，如果情況理想，自己先會考慮注射。由於自己都要先觀望吓，所以唔會推薦市民即時打疫苗，但相信下個月來港嘅疫苗批次數量有限，政府會決定打針嘅先後次序。」
公共醫療醫生協會會長馬仲儀指，會視乎外國有否出現不良反應的案例再決定「打唔打」武肺疫苗 。資料圖片
【前線公院醫生】公共醫療醫生協會會長馬仲儀：「下個月唔會即時接種疫苗，因為唔可以選擇注射的疫苗種類，會抱觀望態度，留意吓外國情況，視乎有冇不良反應再決定。打疫苗係正確嘅事，如果市民認為自己係高危人群，或可撇開安全考慮，優先接種疫苗；如果唔係高危人群，又有做好防疫措施，抱持觀望態度亦無不可。」
理工大學醫療科技及資訊學系副教授蕭傑恒稱，暫時不會打武肺疫苗。本報記者攝
【醫務化驗師】理工大學醫療科技及資訊學系副教授蕭傑恒：「自己防疫好小心，開會都周不時瀄酒精搓手液，暫時都行之有效，唔需要打（武肺疫苗）針住。不過，流感疫苗我年年都打。」
餐廳日前才剛開張的前立法會議員譚文豪表示，自己不會這麼快接種疫苗，認為高官及警隊應率先「打頭針」，令市民安心。資料圖片
【飲食界從業員】近日轉戰飲食界的前立法會議員譚文豪：「唔會咁快打（疫苗），因為疫苗的實際效用仍屬未知之數，政府官員應身先士卒，親身測試疫苗質素，再安排警隊3萬人一齊測試，增加樣本數，以求令市民安心。唔會建議市民應唔應該依家打武肺疫苗，市民各有自己嘅選擇。」
香港民意研究所副行政總裁鍾劍華就稱，不會接種科興的疫苗，如果可以選擇其他疫苗就會考慮打。本報記者攝
【研究學者】香港民意研究所副行政總裁鍾劍華：「如果得科興，有得揀我唔會打。可以揀第二啲嘅，就可以諗吓。」
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！