今日大台搞《香港小姐競選》首輪面試，一眾佳麗喺康城港鐵站集合，跟手就上車去電視城。

早上10點20分左右，身穿淺藍色連身裙、配冷褸嘅23歲Nicole Wu，Nicole來自美國三藩市，挽住YSL嘅皮手袋，見有人影相，佢去地鐵站買完嘢再折返，由女友人擔住把傘遮住佢，講嘢都幾斯文，當佢嚟到嗰陣，就問在場記者有冇水。

Nicole喺美國洛杉磯讀UCI，之後做餐飲業，問到佢係唔係老闆?Nicole話：「一半半啦!」Nicole又指今年好似冇海外佳麗，所以TVB叫佢嚟呢度，再問有冇男友?Nicole笑言：「唔諗呢啲喇!」

同場出現咗一個身穿火紅色連身裙嘅23歲張寶欣(Boanne)，個樣都有幾分似樂瞳，不過佢就係「高版樂瞳」，佢家姐係上屆參選拎咗「友誼小姐」嘅張寶兒，今日由家姐揸Benz載佢到場，被問有冇信心?Boanne話：「唔肯定!」Boanne喺倫敦讀書，返咗香港一年，讀cass business school。