日前才為中共閱兵哽咽,「國歌唱一半」,熱淚盈眶唱不下去的鍾鎮濤,於微博向其祖國情緒激動地高呼萬歲;昨日復又貼圖,貼上兩年前攝於延吉的圖片,背景是中共海陸空三軍,鍾鎮濤寫的卻是「向抗戰國軍老兵致敬!」就連大陸網民亦不禁質疑,究竟圖中鍾鎮濤的致敬手勢,是向國軍、共軍,還是老兵?
噚晚鍾鎮濤開開心心去咗機場博覽館欣賞Maroon5演唱會,暫時不談家國大事,不過兒子鍾嘉浚對於父親被網民批評「忽然愛國」感到憤怒,今早在fb以英文鬧爆一眾曾嘲笑、指摘其父的香港網民。
鍾嘉浚寫道:'HKpeople,youshouldnotbecalledChinese.SaltyasF,disrespectfulasF,racistasF.AlmostasbadascopsinAmerica.Youshouldbehonoringthemillionsofsoldiersthatdiedforyousoyoucanbehere.Withoutthem,you'llbedeadspermflushedinabathroomorwrappedintissue.'
(香港人,你哋唔應該叫做中國人。好X蠢、好X唔尊重、好X種族歧視,幾乎好似美國警察咁衰。你哋應該表揚千萬位為你捨身嘅士兵。冇咗佢哋,你只係被沖入廁所或用紙巾包住嘅死精蟲。)
其實明明講緊鍾鎮濤忽然愛國,何以忽然又關美國警察事?就好似啲人一講親大陸冇民主,就會有人拋出一句「美國仲唔民主」一樣。不過,鍾嘉浚在美國長大,所以用番佢生活環境所見所感比喻亦屬正常。
是的,鍾嘉浚喺美國長大,唔使好似香港嘅小朋友咁,被迫接受中共國民(洗腦)教育;鍾嘉浚對「國情」的認識,可能來自其父——即鍾鎮濤,但所知的又有多少?