天王天后變功夫神鵰俠侶
華仔Sammi着睡衣團圓

蘋果日報 2012/10/01 00:00

【觀塘定富街】中秋花好月圓，不過人夫劉德華同名花有主嘅鄭秀文（Sammi），因為要趕拍杜琪峯執導嘅電影《盲探》，所以噚日凌晨兩點幾，佢哋仲要喺觀塘定富街開工，惟有邊開工邊賞月。
華仔同Sammi喺大銀幕相隔咗8年先再合作，佢哋依然好有默契，噚日凌晨佢哋齊齊以瞓覺look出鏡，華仔着住菠蘿圖案嘅睡衣，同平日見慣嘅官仔骨骨樣完全唔同，睇落好親切好可愛。着蘋果碎花圖案睡衣，兼頭頂有幾個髮卷嘅Sammi好得意，佢着咗厚衫打底，身形脹卜卜，似足電影《功夫》嘅包租婆元秋，直頭可以同華仔組成《功夫》入面嘅「神鵰俠侶」。
empty
【今日我至慘】鄭秀文噚日凌晨喺觀塘拍戲，平日型爆嘅佢呢晚變身師奶，着住睡衣喺街拖篋，個頭仲有幾個髮卷，塊臉又污糟，個樣好慘，唔知許志安睇到會唔會心痛？
empty
着睡衣嘅華仔，無時無刻都好chok。
empty
Sammi一頭髮卷，好似電影《功夫》嘅包租婆元秋（小圖）。
時肥時瘦
拍攝另一幕戲時，Sammi忽然瘦番，塊面仲污糟邋遢，佢獨自拖住個篋喺寂靜嘅街度行，真係人見人憐。等咗成粒鐘，都唔見華仔同Sammi有對手戲，佢哋唔使埋位嗰陣，就各自匿喺自己嘅保母車休息。
採訪、攝影：吳耀輝、楊浩賢
empty
演失明人嘅華仔一直手執導盲杖。