謝東閔同朱智賢嘅緋聞已經傳咗一段時間，仲有傳話朱智賢嘅前度，曾經去過大台搵謝東閔攤牌。不過，朱智賢同謝東閔就唔肯認拍拖，但同時又成日俾人影到行孖必，謝東閔仲揸埋屬朱智賢老竇架車去接佢。

兩位唔認拍拖，唔緊要嘅，大家睇下佢哋嘅行動估下囉。謝東閔同朱智賢約喺黃昏6點，着晒黑色情侶裝喺銅鑼灣行街，兩個人一齊喺銅鑼灣行化妝品連鎖店，不過全程都係得朱智賢一個人買嘢，謝東閔明顯只係做陪客，等到悶悶地仲坐埋一邊玩手提電話，不停咁收發訊息同錄語音訊息比人，嗰時因為撞正放工時間，成間舖都好多人，排隊比錢都好長籠，朱智賢都排到無晒表情，有啲面黑黑，俾完錢後，兩個人就一齊行去停車場攞車走，沿途都有傾有講，冇乜避忌。