古巨基《WE我們世界巡迴演唱會—香港站》part 2 今晚於紅館舉行頭場，不少基仔的圈中好友現身，包括有黃子華、薛家燕、關智斌、蘇絲黃、方力申、鍾舒漫、洪卓立、周慧敏、倪震、泳兒、羅力威、江美儀、陳敏之、向海嵐、陳妙瑛、麥家琪和蔡一智等等。

今次演唱會開三面台，全場爆滿，在晚上8時40分，基仔坐住銀色飛機喺半空出場唱《爆了》，他穿上全身銀色閃閃衫、背部有銀色尖角，接着他說：「點解架時光機咁大煙？今晚我架時光機又嚟到紅館啦！」一班dancers隨即現身，基仔唱完《夢中人》說：「歡迎大家嚟到香港站part 2，有邊啲part 1嚟過？你哋好有愛，仲有啲上次買唔到飛？無論有冇嚟都知上次有少少意外，就係呢個窿(手指台面)，今次個舞台闊好多，打觔斗仲得，惟有坐少兩行觀眾。」他續說：「今次開part 2最多人叫我唔係Good Show、加油，而係叫我小心啲，睇住個窿。所以希望大家提提我，將你哋嘅擔憂講出嚟，想借大家聲音大叫：『睇路呀靚仔』」結果現場觀眾照做，搞到基仔笑話：「好低B，竟然有人喺紅館咁做！」

動腦Q金像獎周
4月8日-12日 10:30PM
Let’s Q the money！Action！
https://hk.adai.ly/zpCd06PPwV