當年今日
關於我們

張晉洩口風 蔡少芬今胎應該係仔

蘋果日報 2013/02/01 06:00

梁朝偉一代宗師蔡少芬張晉

張晉噚晚到尖沙嘴出席《一代宗師》慶功宴,得悉票房報捷,自然高興,而戲中「馬三」一角亦帶挈佢多咗唔少工作,但張晉就希望有機會拍攝能文能武嘅戲。

原本張晉同太太蔡少芬及女兒赴上海工作,但太太之後有工作在身,所以佢惟有一支公帶女兒回港。

依家蔡少芬個肚已經籮咁大,仲要中港兩邊飛搵快錢,睇到都戥佢牙煙。問張晉究竟係咪做到BB出世?佢話:「都限唔住佢,佢性格係咁,好勤力,信做埋呢個工作先停,但我哋每次都會問咗醫生先,唔會唔負責任。」

張晉話已知道第二胎嘅性別同預產期,但就保持神秘不透露,不過卻漏口表示會「生埋呢個就收工」,令人揣測佢哋已經湊咗個「好」字——即係今胎係仔﹗