冠軍騎師雷神莫雷拉跑完今日（17日）沙田日馬，就要停賽兩期，相信停賽前一定全力爭取佳績。

其中雷神第六場四班1400米，騎蔡約翰馬房隻「旋風腿」，睇嚟會成為一面倒大熱，呢匹四歲馬上仗服役初出，於田草1200米末段追勢不俗，獲得季軍。照計今仗再出，增程跑1400米應該冇乜問題。

不過雷神透露自己有啲擔心，因為「旋風腿」上場直路外閃，難以力策，佢認為如果冇片來片去，隻馬唔止攞第三名，應該好有機會入Q。

雷神話「旋風腿」上場嘅表現，反映隻馬有質素但未成熟，所以唔敢講有極大爭勝信心，只希望「旋風腿」有過一次出賽經驗，走規可有改善，唔會出現類似毛病。