第75屆威尼斯影展現正舉行，今年有好多大家熟悉嘅荷李活影星參展，包括奧斯卡影后妮坦莉寶雯（Natalie Portman）同祖迪羅（Jude Law）嘅新作《Vox Lux》亦係競賽片之一。剛剛電影就於當地舉行首映，雖然男主角唔在場，但妮坦莉寶雯一人已謀殺唔少菲林。另外當女星Raffey Cassidy出場時，因條裙太長唔小心踩到，妮坦莉連同另外兩位拍檔Brady Corbet及史黛西馬汀（Stacy Martin）即刻俯身幫拍檔整裙，齊心又有愛。此外各方影評亦已出爐，紛紛大讚電影，指佢具實質性同令人滿意，演出有血有肉，更有新穎嘅質感同風格，睇嚟又成為大熱之一。

另外妮坦莉接受訪問時，竟然自爆唔知自己有份監製套戲：「我有份？哈哈！咁就正，我估係我嘅經理人加（我個名）落去，我都唔知，哈哈！」認真搞笑。

精選娛聞，喺晒《娛果》
http://fb.com/appledailyent