英國有個關於紋身嘅電視節目，玩嘅可以話係出賣朋友系列。玩法係參加者要畀自己嘅伴侶，或者好朋友喺自己矇眼嘅情況下指定一個紋身，成個過程自己係乜都睇唔到，然後喺電視節目先至拆紗布睇紋身，可以話係非常考驗兩個人嘅關係，到底有幾好（或者有幾唔好）。

最近一集嘅節目就有一位捧咗阿仙奴成世嘅球迷Ricky，佢朋友Josh幫佢整咗個呢世都唔會忘記嘅紋身。Ricky拆紗布之後，仲即場爆粗。到底佢老友Josh喺Ricky身上整咗個乜嘢紋身呢？成件事又有幾殘忍呢？