當年今日
關於我們
體壇拾趣:石仔開腔要再做傑運
蘋果日報 2015/11/06 00:00
被譽為體壇奧斯卡嘅香港傑出運動員選舉,出年三月先會舉行新一屆頒獎禮,但總會提名程序開始咗喇!大會噚日請嚟上屆得獎人馬吳安儀(左起)、石偉雄、胡兆康、李俊威同埋杜凱琹,喺奧運大樓出席宣傳活動。啱啱完成英國世錦賽嘅體操王子石偉雄,今年喺亞錦賽奪得一金一銀,係「八傑」熱門人選,佢都開腔話好恨冧莊:「出年四月就係奧運資格賽,所以好希望三月可以拎到獎,畀信心我去爭入奧運。星中之星大獎我就唔敢諗,反而睇好安儀同單車嘅李慧詩。」活動會喺出年一月展開公眾投票,詳情有待大會公佈。