蘭西情報課：生手拍賣官兩度報錯價
蘋果日報 2005/02/23 00:00
甚少主持土地拍賣嘅地政總署助理署長苗力思，唔知係咪一嚟冇咁熟手，二嚟想為政府今個年度最後一次賣地攞到好成績，加埋畀緩慢嘅舉牌速度悶親，掛住催發展商快啲舉手，開始冇耐就甩嘴，將華懋嘅六億八出價，講錯咗七億。
而去到中段又將原本係十二億二嘅承價，講錯為十二億四。好在之後都平平穩穩，順利為政府以超好價賣出九龍灣地皮。
其實，喺賣地場上拍賣官講錯價，蘭西都見過好多次，可能因為太緊張同投入，有時拍賣官甚至唔為意自己講錯嘢，要勞煩隔籬嘅同事提醒，先識嗱嗱聲更正，好彩在場觀戰人士或舉牌嘅發展商都好包容，唔會介意。
既然連好有經驗嘅拍賣官，都有叫錯價嘅時候，相信苗力思只要做多幾次，自然會工多藝熟，應付自如。
商界兩稀客觀戰
每次賣地都係地產界嘅盛事，唔少地產界猛人都係賣地場常客。不過噚日拍賣嘅九龍灣地皮雖然唔係最矚目嘅地皮，都吸引到兩位新星到場，就係盈科保險主席及電盈副主席袁天凡，同合和主席胡應湘之子、合和執行董事胡文新。
袁天凡入場之前俾記者捉到，佢就話：「我唔係做地產，今日嚟睇嘢。」話雖如此，但係喺場內，佢就同手持三十八號牌嘅競投者坐埋一齊，神色凝重，話佢無參與，真係唔知有冇人信。
至於胡文新呢位合和代表，就似係嚟觀摩多啲，拍賣完結就急急腳離場，只係同記者講，佢冇舉過牌，對成交價冇任何意見。
而去到中段又將原本係十二億二嘅承價，講錯為十二億四。好在之後都平平穩穩，順利為政府以超好價賣出九龍灣地皮。
其實，喺賣地場上拍賣官講錯價，蘭西都見過好多次，可能因為太緊張同投入，有時拍賣官甚至唔為意自己講錯嘢，要勞煩隔籬嘅同事提醒，先識嗱嗱聲更正，好彩在場觀戰人士或舉牌嘅發展商都好包容，唔會介意。
既然連好有經驗嘅拍賣官，都有叫錯價嘅時候，相信苗力思只要做多幾次，自然會工多藝熟，應付自如。
每次賣地都係地產界嘅盛事，唔少地產界猛人都係賣地場常客。不過噚日拍賣嘅九龍灣地皮雖然唔係最矚目嘅地皮，都吸引到兩位新星到場，就係盈科保險主席及電盈副主席袁天凡，同合和主席胡應湘之子、合和執行董事胡文新。
袁天凡入場之前俾記者捉到，佢就話：「我唔係做地產，今日嚟睇嘢。」話雖如此，但係喺場內，佢就同手持三十八號牌嘅競投者坐埋一齊，神色凝重，話佢無參與，真係唔知有冇人信。
至於胡文新呢位合和代表，就似係嚟觀摩多啲，拍賣完結就急急腳離場，只係同記者講，佢冇舉過牌，對成交價冇任何意見。
政府最近幾次嘅土地拍賣，除咗發展商、測量師、代理同埋記者出席外，重有啲另類人士嚟觀戰，學生哥就係其中之一嘞。
噚日都冇例外，有批大專生出現賣地場，相信係想了解吓政府賣地過程係點樣。
賣地結束後，大批記者趕繄追着一眾發展商，採訪對賣地意見之際，喺文化中心門口一群穿着校服嘅學生哥，可能無心理準備有大批傳媒又攝錄機又相機，夾住受訪者一擁而出，佢哋第一反應係慌忙閃開兩旁，不過有啲就清醒啲，叫追趕中嘅記者，代向發展商詢問問題，至於佢哋想問乜，記者因忙於採訪，聽唔清楚，無辦法幫忙。
賣地氣氛緊張，個個發展商都分秒必爭。噚日九龍灣地皮爭持激烈，手持三十八號牌發展商重兩次俾人截胡，第一次係當叫價去到七億，三號牌同三十八號牌同時承價，第二次叫到九億四千萬，就殺出個二十八號，又係同三十八號爭，不過好可惜，拍賣官兩次都認為三十八號遲咗，結果由對方成功承價。
而三十八號同二十八號齊舉牌嗰次，手持八號牌一直按兵不動嘅嘉里，亦蠢蠢欲動，但唔夠人快，牌都未舉就要收番埋。
電郵地址：
袁天凡（箭嘴）話只係嚟睇嘢，不過觀乎佢嘅神色都十分投入喎。
胡文新（左）未有對地皮成交價發表意見。