參展商和平圖書有限公司發行部高級經理朱滿祝表示，近年港人閱讀興趣愈來愈濃厚，造就書展入場人數一年比一年多，再加上經濟好轉，市民手頭鬆動，買書亦較以前爽手。「特別係啲家長，可能佢哋知識水平高咗，都好捨得使錢買書畀仔女睇。」
星輝圖書有限公司經理馮向遠分析指，香港書展已經成為年輕人的重要節目，「佢哋平時未必會成日行書店，但係書展就一定會到，當係一個嘉年華。」他指，書展出售的書籍種類繁多，而且售價較市面便宜，因此吸引不少人入場。「可以一次過掃幾個月嘅貨。」香港商務印書館助理總經理梁榮錝亦指，從他過去幾日觀察，大多數入場市民都是有心買書，並非趁墟。「書本種類多咗，睇書嘅人層面亦都闊咗。」
中文大學政治與行政學系高級導師蔡子強表示，近年書展已成為年輕人暑假必去節目，部份家長則視為親子活動。他認為，亞洲金融風暴過後，港人閱讀風氣確實比以前好，「可能多咗人自覺不足，成功非必然，需要睇多啲書充實自己。」
本報記者