霍利時今季贏咗27場，在練馬師榜首第15位，頭馬數目卻比上季尚少6場，而近期此廐仍頻頻搏殺，近十次賽事贏五場，可見練者在季尾搏殺仍未手軟。今期日賽（24日）時廐出馬五匹，其中第六場「韻妙星」質新當起，新勝猶勇，有力再下一城。

第六場三班1600米，「韻妙星」來自英國的自購新馬，來港前並冇試閘，成熟程度較吃虧，但插班首季已經兩捷，至今上陣12次，亦只得兩次不入前五名。此駒的體重達1280磅，肉身馬的狀態會越跑越好，近六仗獲2冠1亞2季，證明狀態已在巔峰之境。

上仗跑同程前中段遙居於後，直路灑開大步從外欄追上，末段走勢天馬行空，盡顯質高良駒的本色，況且該仗季軍「龍城勁將」及第五名「總統至上」，翌仗分別入Q及贏馬，反映賽事水準不俗。根據「韻妙星」上仗贏馬的走勢，質素仲高過曾勝三班賽的廐侶「情趣」及「爪皇烈焰」，今仗升班贏馬亦冇阻力。

第七場國際三級賽1400米精英盃，呢類讓磅制的級際賽，低分馬負輕磅，經常能夠以下犯上跑得好。「加州議長」上季在港初出跑同程得第二，只負於現評126分的「四季旺」，而翌仗再跑同程得第三，幾乎跑贏之後贏一級賽的「美麗傳承」，由此可見，此駒跑田草中距離的實力，肯定足以在級際賽爭勝。

今季不斷跑谷草或泥地的短途，未能發揮最強實力的一面。上仗跑返田草1400米，末段加速拋離對手贏馬，姿態大把在手，今仗跑三級賽而只負114磅，穩位望贏冇問題。