【本報訊】「被困喺車入邊嗰陣，諗住死梗，咪不停咁心裏念可逢凶化吉的佛經《南無妙法蓮華經》，希望可化險為夷，結果終獲救……。」在荃灣海興路迴旋處嚴重車禍中逃過一劫之的士男乘客金子健，為香港國際創價學會會員，事後他在醫院向胞姊講述生死一線間的恐怖經歷。

金姊表示：「細佬話當的士車頂被貨櫃箱壓中時，好彩唔係好快咁一直壓低而係慢慢壓落嚟，令佢有少少時間順勢瞓低喺後座位上，躲在後座位同被壓至扭曲車頂間之少少空隙，未致即時被壓扁有一線生機。但胸口仍被扭曲的車頂頂壓住，很難呼吸，細佬諗住必死無疑，咪唱經求佛法庇佑，並慢慢呼吸減輕痛苦，卒之捱到被救出。金姊說其弟傷勢不太嚴重，並無生命危險。
金母事後接獲消息趕到醫院探望兒子後表示，多名教友接獲其子遇車禍消息後，即時同心唱經為其子祈福，對於兒子今次能避過劫數她深感慶幸。
創價學會是一個民間佛教團體，以日本日蓮大聖人為宗師，以「御本尊」為信仰象徵，並將佛法推向全世界，致力推進和平、文化及教育，目前會長為池田大作；香港國際創價學會在港已有40多年歷史，在港有6個會館。
至於在意外中及時逃出車外僅受輕傷的士司機陳漢權，為的士之車主、已婚有兩名年幼子女，駕駛的士16、7年，從未遇上過如此嚴重車禍。他說：「車頂拍落嚟打中我個頭嗰陣，個乘客同時大聲呼叫。跟住聽到車頂支架『勒勒聲』知會繼續壓落嚟。當時好驚，本能反應立即打開車門落車逃走，回頭一睇車頂好快完全被貨櫃箱壓扁，個乘客唔見咗。」

其間，陳因擔心被困乘客安危一度落淚，致電同為的士司機的兄長趕至現場陪同送院。「喺醫院阿哥睇電視新聞知道個乘客獲救無死，我當場安心晒囉！」同信仰佛教的陳漢權坦言，會淡然面對今次逃出大難的經歷。
新聞資訊研究組