美國高球手高普卡喺周日雖然首次贏得大滿貫錦標之一嘅美國公開賽，不過就畀女朋友珍娜（Jena Sims）搶晒鏡。鬼咩！27歲嘅珍娜係前美國青春小姐兼喬治亞州小姐，依家喺一名演員，佢身高5呎8吋，三圍仲係34C-24-35，加上又好投入咁同高普卡打氣，點會唔搶鏡呀？難得嘅係，珍娜仲好大方，成日喺個人社交網頁「派糧」，所以有唔少粉絲，淨係佢個ig就已經有超過83,000名followers㖭！