當年今日
關於我們

【慈善高球賽】去年奪亞軍 梁佩瑚讚蒙古老公:佢進步咗好多

蘋果日報 2019/04/04 13:30

與癌友同路鄧梓峰蘋果日報慈善基金梁佩瑚慈善

由《蘋果日報》慈善基金舉辦的「與癌友同路」慈善高球賽,今日在清水灣鄉村俱樂部舉行,梁佩瑚和老公郭雲飛到清水灣鄉村俱樂部參加,梁佩瑚去年奪亞軍(新聞連結: https://bit.ly/2HEFYoX),問到她今年可有信心再獲獎,梁佩瑚笑言:「今年我冇(信心),不過佢(老公)有信心,佢進步咗好多,佢唔聽我講,反而進步好多,聽我講佢反而唔會叻,因為我成日陷害佢,等佢輸畀我。」
郭雲飛現時已識聽廣東話,被問是否很有信心,他謙虛地說:「當然冇喇!咁多高手喺度,佢冇教我,我哋係靠比賽練習。」梁佩瑚稱靠贏錢鼓勵學習:「幾錢一個窿咁,通常賺啲波錢,先記帳後月結,夫妻之間唔好成日現金來往,上年華哥(任達華)話讓我幾多球,最後都係冇,大家都係公平打,技術上,我都有番咁上下。」老公笑稱她贏的錢夠買手袋,梁佩瑚即大笑叫老公不要說出來。
梁佩瑚今年將推出新書,平均一年出兩本,在書展推出的新書是單元故事,希望大家鍾意,問到她開始寫未,梁佩瑚說:「未呀!本來想寫幸福生活,不過編輯話因為我結咗婚,我啲讀者係少女群,佢哋唔想睇你結咗婚之後嘅嘢,你要幻想以前拍拖嘅嘢,未嫁之前嘅嘢。」她指老公愛旅遊:「我哋已經不停四周去,有時想留喺屋企,唔想飛嚟飛去,反而老公成日未夠一個月就想旅行。」
-----------------------------
免費訂閱《蘋果動新聞》, 無懼霸權橫行!立即登記!
https://hk.adai.ly/bXz2v29BrV
-----------------------------
4月4日 10am-11pm 即玩《MINI GAME大挑戰》
隨時贏SuperPark門票2張
https://bit.ly/2WigzsG