美國剛剛舉行嘅E3遊戲展，除咗三大主機PlayStation2、XBOX、GAMECUBE齊齊宣布減價大鬥法之外，公布的新作亦多不勝數。XBOX同PS2呢對歡喜冤家還不約而同公布咗多項網絡遊戲項目，睇嚟下半年除咗主機會鬥平之外，遊戲數量亦會鬥多，如果係咁，就真係遊戲機迷之福。
至於香港方面，據聞XBOX行貨亦會喺今年內出現，重未買而又有心買XBOX嘅讀者要留意。遊戲廠方面，以製作有歷史背景的遊戲如《三國志》系列、《真‧三國無雙》系列而為人熟悉的光榮KOEI，繼《真‧三國無雙》後，亦會推出大量PS2中文版遊戲。亦有消息謂某大電腦遊戲代理會染指TVGame代理市場，下半年相信業界會非常熱鬧。
文：打機鐵人