上周二朝早晨操,先品嘗前菜七組大閘,夜晚再上主菜八場賽事,該朝睇到九點多,已唔多頂得順,好彩有匹「振興中華」幫我醒一醒!「振興中華」周二朝試最後一組閘,之前六組所試的馬都沒甚吸引到我,初時亦不覺第七組出試馬,有乜特別,只知道「振興中華」報名跑周日三班1000米,徐雨石知道正選才安排試大閘。
不以為然下,睇見「振興中華」的走勢,頓時醒晒,出閘後,只見馬偉昌好想留住,用力墜都留唔住,跑了數百米已放甩近五個馬位,帶到入直路最後二百,馬偉昌郁韁繩想「振興中華」由出右腳轉用左腳;「振興中華」無轉腳,勁勢卻無因而減弱,且由頭至尾都有幾勁感覺。
詳盡內容可留意明日蘋果日報或蘋果馬網 http://hk.racing.nextmedia.com/