【本報訊】內地自由行旅客近年撐起本港零售市道，但也直接令到商舖租金大升。有學者指出，商舖租金被國際品牌搶高，特色小店可能因難抵租金上升而逐漸消失，市民選擇自然減少。有提供生意轉讓服務的顧問公司估計，旺角將繼銅鑼灣後，有越來越多專做自由行生意的名店進駐。

嶺南大學經濟系教授兼公共政策研究中心主任何濼生指出，商舖租金被著名連鎖品牌搶高，市民選擇少了，有特色的店舖會逐漸消失，「有人願意畀得起更高嘅租金，業主梗係樂意收，香港喺市場經濟，好自然嘅一件事，但呢樣係唔係公平呢？可能會令社區失去咗一啲嘢，社會家改變緊」。
他續稱，商舖租金高低，除了與市場供求有關，部份業主寸步不讓也令租金不斷上升，「有時啲業主寧願張間舖吉（丟空）半年都唔肯減少少租，商舖吉咁耐都唔減租，我覺得有問題囉」。
BOSSible市場總監周騫指出，除了銅鑼灣區外，中環已開始越來越多專做自由行生意國際名店進佔，他估計下一個被攻陷的地方是旺角，「KFC（家鄉雞）一向好受業主歡迎，佢哋喺旺角原本有四間舖，最近連失兩間，估計又係輸畀啲名店」。