香港基督教青年會長沙灣中心與《蘋果日報》合辦「人搵工工搵人」專欄，逢周二刊出，由香港基督教青年會長沙灣中心提供待聘者檔案，供僱主揀選適合員工。
本欄歡迎僱主聯絡中心職員陳姑娘（Lemon）登記空缺或查詢。電話：27088995。
媚姐前年因公司結業而失業，加上丈夫癌病復發，她需多加照顧，故近年才重投社會搵工，但搵工之路障礙重重，其間她曾遭白眼，被僱主歧視她年紀大。雖然如此，她未感氣餒，仍不斷透過報章廣告或街招搵工，終於在一個多月前經中心介紹，覓得一份辦公室助理工作。
「起碼有超過十份工嘅僱主都係嫌我年紀大，明明未請人，知道我嘅年紀，即刻話請咗人。但係我好想講，我冇氣餒，仍然積極搵工。希望藉住我嘅經歷，可以鼓勵到其他正在失業嘅人。」