狄龍、閻奕格與沈震軒今天於土瓜灣出席音樂劇《搭錯車》記者招待會， 狄龍在劇中飾演一位啞巴，在記者會上他即場示範手語。狄龍透露工作上的細節都依賴太太陶敏明，他說：「大家都會用電話傳送訊息，當太太畀我睇手語示範嘅訊息，我打咗個冷震，血壓由140升到150幾，老婆叫我定啲，仲幫我一格格咁樣播畀我睇，我睇咗無數次，連揸車都有練，但係俾太太鬧，作為演員要深入提供最好嘅嘢畀觀眾，呢個係本份。」

狄龍首次參演舞台劇，他說要多謝該劇原作者黃百鳴，又感謝石天引進他到新藝城，他說：「我好佩服石天，亦都多謝高志森，將我喺老人院搵返出嚟，年輕建功立業，而家應該風花雪月，但係湊得孫多條腰都好酸，要打針。」狄龍又表示看過原版無數次，但卻怕感情疲勞，他又指收到手語示範的信息，即感到自己有學習障礙症，他說：「真係血壓上升，心驚膽跳，都有求助醫生，佢就話唔緊要嘅，叫我放慢啲。但係自己都脫節，我少用電話，連對白都要print出嚟放大啲字，係自己唔肯學。」問到他會否為孫兒學習新科技？他說：「呢啲太太搞啦！太太都好忟憎，因為我唔肯學，但係我覺得我要放時間係自己興趣上，要享受。」

提到一對孫，狄龍大爆太太很縱容，自己則是威嚴爺爺，狄龍說：「太太霸住，成日攬實，我就嚴啲，我個仔都好乖，收工就即刻返嚟湊小朋友，親情無價。我太太太縱容兩個孫，我就比較嚴，佢日日買禮物，連個仔都話唔好呀！我就覺得合理嘅時候畀獎勵，有合理嘅體罰係啱嘅，但呢啲都係古老。」

另外，閻奕格表示劇中與狄龍飾演兩父女，她會趁機偷師，她說：「個角色好有感覺，細個嘅時候因為夢想會同屋企人同朋友有唔開心嘅經歷，因為自己真係太鍾意唱歌，屋企人唔支持，呢個角色好有共鳴、好感動，我會將自己嘅感受放入角色裏面。」再問她為何連音樂家爸爸亦反對他入行？她說：「佢好驚我為咗做明星而唱歌，佢叫我如果要唱歌一定要有熱情、用生命去唱歌，要不斷努力，唔可以成日覺得自己100分。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef