代表地產及建造界的立法會議員石禮謙，噚日同傳媒午宴講辣招，阿石講明，唔會要求政府減辣，而係幫辣招「排毒」，唔好令香港經濟「中毒」。講起瘋癲樓價，阿石透露，原來佢個寶貝女當年就係趁低位入市，買樓結婚，似乎喑示叫大家𠵱家入市要睇路。阿石話，佢個女2003年沙士買樓，當年有個過千呎單位開價450萬，點知賣方擔心睇樓嘅人有菌，唔想佢哋入屋睇樓。阿石還價430萬，對方一口答應，翌日律師樓簽字，可見當年業主散貨心切。阿石藉呢個故事告誡大家，樓市一跌，全人類急急散貨，跌幾多冇人知，情況就如𠵱家發展商急急散貨，要錢唔要貨一樣。

《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24