鍾欣潼(阿嬌)今年5月去咗洛杉磯，同台灣「醫界王陽明」賴弘國，成為人妻依然密密開工，最近就忙完拍攝電影《失蹤》同《女子監獄》。日前，佢就去咗大陸，上咗一個綜藝節目《舉杯呵呵喝》做訪問，佢講到佢入行18年，其實冇諗過要做明星，佢話：「我做這個職業是因為要養家，希望我家人可以過得好。」

由於成長背景關係，令到佢唔多識同人溝通，特別係男仔：「我整家人男人很少女人比較多，所以我這一進這個圈的時候，我很怕跟男生對話。我不會做人，不會怎麼去表達自己，我的性格真的很不適合，但是我真的很喜歡演戲，很喜歡做這一行工作。」

訪問中，講到阿嬌同阿Sa成日被人作比較，講到除了靚，但智商就唔夠阿Sa高，成日天然呆唔講嘢，佢就笑笑口：「我情商低，我就是要做回自己，很多說我，為什麼你那麼笨，不會做人，但我就不想啊，不想就是不想，你說我笨覺得我蠢也好，但我就這樣子。」阿嬌講到自己同阿Sa係互補型組合，阿Sa負責表達，而佢就喜歡比較行動。

兩個人相處咗18年，阿嬌讚阿Sa不時都會搞驚喜，最印象深刻係有一年生日佢哋喺機場，阿Sa偷偷地整咗個生日蛋糕，因為想踏正12點同佢慶祝，最後佢過生日係嘅地方竟然係機場廁所門口。

精選娛聞，喺晒《娛果》
http://fb.com/appledailyent