名牌食品的包裝聲稱言過其實，為子女嚴選有益零食的中產家長最易誤墮陷阱。Danny為子女選購零食時，最受食品聲稱吸引，「淨係睇包裝正面。佢話加鈣、多維他命，我就以為係。」但他坦言不會留意這些聲稱有否事實根據：「我一向揀信譽好、大牌子，畀貴啲都係想買好嘢，原來都有誤導。」

選購時看食品標籤

任職銷售經理的Danny有兩名子女，長女BBQ和幼子Bubble喜歡吃朱古力糖和牛奶餅。Danny每周與太太一起逛超級市場，選購準則以品牌為先，其次就是包裝上的宣傳字眼，「唔會仔細睇後面個表，睇吓面頭有冇粗體字、爆炸效果嘅標誌。最好係話對BB健康。」
他們一家大細經常吃被指包裝聲稱誤導的嘉頓生命麪包，「貪佢大牌子先揀，佢話高蛋白質會令我更加想買，如果唔合標準，真係有啲誤導。」他表示日後選購時，會多花時間查看食品標籤，「以後會小心睇，睇番個營養成份比例，同其他產品比較先買。」他認為食品標籤法例有助市民選擇食品，但希望政府加強宣傳，「個個食品商都跟法例做，咁先公平，等消費者容易選擇。」
本報記者